السلام عليكم ورحمة الله وبركاته
...............................................
بنقول وياما إتقال الحب خير وجمال وقلوب كتير إتلاقت زى حازم ومنال ............................. حازم ياناس هندسة فى الحب ليه مدرسة شاف القمر منول قلبه إنشغل على طول وقال دى كويسة وطلبها فى الحلال ................................ منولة صبحت حلاله والخير والرزق جاله وخلفت له كمان مصطفى ومروان ياسلام على الإنسان لما يحقق آماله ............................ وفين بقى المشكلة؟ وإيه حل المسألة؟ حازم طبعه عجيب عصبى بشكل غريب ومنال متبهدلة وده جواب السؤال ........................... منال قالت أسيبه والهجر لازم يجيبه راكب حصان رهوان وهادى زى زمان وف قلبه حب وحنان ونايم فى حضن حبيبه ................................. أرجوكى يامنال روقى وبلاش عذابك تدوقى بيتك ده حصن أمان مهما حصل أو كان إوعى ف يوم تسيبيه ومن الشيطان إرقيه ................................ الحب أدام موجود لازم ف يوم هيعود وبقلبنا نخليه يكبر ويعيش ويسود نضمه ونحميه علشان حياتنا فيه |
ليست هناك تعليقات:
إرسال تعليق