وصف الموضوع: خاطرة شعرية بقلمى 
السلام عليكم ورحمة الله وبركاته
تفاعلت كثيرآ مع برنامج قصص القرآن الجزء الثانى
وقصة سيدنا موسى عليه السلام
وقمت بكتابة تلك الخاطرة البسيطة بقلمى
وإليكم كلماتى
ولعلها تحوز إعجابكم إن شاء الله
على ضفاف النيل
صندوق فيه طفل جميل
ماشى بإرادة الله
رايح على فين؟
رايح لقصر عظيم
قصر فرعون الملعون
وكله بعلم الله
ويعيش هناك ويكون
رحمة من إله الكون
ويكون خير معين
لبنى إسرائيل
يصبح كليم الله
ورسول مبين
من رب العالمين
ومعاه أخوه هارون
ويروحوا للفرعون
لدعوته للتوحيد
لا إله إلا الله
آمن بقى يافرعون
ومعايا من ربى
إتنين م المعجزات
عصايا تبقى ثعبان مبين
وإيدى من غير سوء
تصبح بإذن الله بيضاء
ويلا يافرعون
عايزين نحرر بنى إسرائيل
طالبين خروجهم من هنا
من ظلمك وبطشك وجبروتك
لكن فرعون مكار
وجمع كل السحار
بس النصر لمين؟
طبعآ لسيدنا موسى
ماهو معاه ربنا
ومعاه الحق كمان
وتعلى كلمة التوحيد
ويغرق فرعون
زى ماغرق أطفال كتير
دبحهم من سنين
وإنتقام الله
من القوم المفسدين
صلاة الله وسلامه
على كل المرسلين