الله يرحمك ياعروبة
ماعادش ليك مكان
على اليفط بس مكتوبة
لكن جوة القلب ماكان
لاعروبة ولا أخوية
ولا حتى أمة عربية
كلها أسامى وخلاص
من غير حب أو إخلاص

شفت عشان كأس العالم
ضرب ونهب وسرقة وحرب
وكأننا أعداء من كل الأنحاء
لاشرقية ولا غربية
لا شمالية ولا جنوبية
راحت فين الوحدة العربية؟؟؟؟؟
ليه ياجزائر ؟؟؟؟؟؟
إللى ماواحد منكم فاكر
وحدتنا وزمان الصعب
ووقوفنا أدام أعادينا
ذاكروا ماضينا
وإنتوا يا آباء
قولوا للأبناء
مش تضربوا فينا
ده إحنا إخوات
أبناء عروبة
حرام يضيع كل ده
راجعوا نفسكم
فوقوا كلكم
مصر جزائر

وعلمنا رمز نضالنا
ليه ينداس بالرجلين؟؟؟؟؟؟
علشان مين ؟؟؟؟؟؟
يابنى آدمين
والله الواحد مكسوف لكم
من عمايلكم مخنوق
سنج ومطاوى وسيوف
حاجة بجد تخلى القلب
يتملى رعب وحزن وخوف
ولا عادش بينا أى حب

مصر هتفضل فوق فوق
رمز كرامة وعدل وشوق
والأحضان ضامة حبايبها
ومش محتاجة قوالة
مصر بلد الرجالة
أم الدنيا يابلدى يامصر