السلام عليكم ورحمة الله وبركاته
لو حد فيكم سمع أغنية عبد الحليم حافظ اللى عملها أيام إنتصارات حرب أكتوبر 1973
وكان إسمها (إبنك يقولك يابطل هات لى النهار) (إبنك يقولك يابطل هات لى إنتصار)
الكلام ده كان أيام الحرب بقى يعنى
المهم أنا كتبتها بصيغة جديدة تعبر عن الأوضاع الحالية
مش عارفة إحساسى إنها مش أد كدة
بس هكتبها لكم وخلاص
ويارب تعجبكم
ولو وحشة قولوا لى وبجد مش هزعل منكم
يلا خلينا مع الكلمات
إبنك يقولك يابطل هات لى الدمار
إبنك يقولك يابطل هات لى إنكسار
إبنك يقولك وكستك عارفة الطريق
وعرق جبينك للعدو فاتح طريق
كدابة دى كلمة وطن تتقال فى كل دار
إبنك يقولك مطوتى شاقة الجيوب
وجايبة لبسى ولقمتى ساعة الغروب
متشالة دى وقت اللزوم لو حد علية جار
إبنك يقولك مصلحة إنك تموت
وتسيب لى دنيا مفتحة وآخرتها موت
غدارة يادنيا البشر ويامصر عمار
ليست هناك تعليقات:
إرسال تعليق