السلام عليكم ورحمة الله وبركاته
إخوتى فى الله
هزتنى أوووووووووووووى كلمات نسجها زميلنا الشاعر (وليد الشاعرى)
وهى بعنوان (ليتك ياولدى تعرف كم أحبك)
وجعلت عينى تترقرق بالدموع وأحسست بحرقة ومرارة شديدة من هذا الموقف
وودت أن أسطر لكم هذه الأبيات لعلها تكون فاتحة خير وأستطيع بها أنا وغيرى منكم هنا أن نعيد المياه إلى مجاريها بين الأستاذ وليد الشاعرى وأم طفله الجميل
وفقنى الله وإياكم لمافيه الخير والصلاح
وإليكم كلماتى
مشاعرى ليه إتهزت
حسيت بدنيا إتهدت
لما قريت الكلام ده
لقيت دموعى نزلت
حزينة من حرقتى
ولقيت إيدى إتمدت
تمسحها دمعة دمعة
وأنا شايفة وسامعة
قصة بتتحكى أدامى
فى الأول إفتكرته خيال
وسرح خيالى معاه وجال
لكن أتارى الحكاية حقيقة
مش وهم ومش خيال
قصة حياة إتنين
كانوا ف يوم قلبين
سوا مع بعضهم
بينهم حب ومودة
والإيد ف الإيد
والكلمة بينهم واحدة
وطل طفل جميل
ليهم المولى أهدى
وبعد فترة معرفش
من إمتى وليه؟
إتفرقوا وزالت الوحدة
و مابقوش يد واحدة
والطفل حزين زعلان
بيدور على الحنان
صحيح موجود فى قلب مامته
لكن بابا بعيد عنه أوى وحيران
عايز يابابا تكون
ويانا ومعانا
ترجع لنا وتضمنا
يا أبو صدر حنون
بدعى رب الكون
ترجع لنا البهجة
وتعود ليالينا شمعة
ينورها الحب مبتهجة
فاكر يابابا لما كنت بتاخدنى
تمسكنى من إيدى
تقعد تلتعبنى
وتروح تفسحنى
بين الجناين وشط البحر تسعدنى
وياما كان لنا على النيل ضحكات
لما أفتكرها أصحى عليها وأبات
دلوقتى مفيش يابابا غير اهاااااااات
ياريت يابابا تعود لنا زى زمان
وتضمنى بحنانك إنت وماما كمان
ساعتها يابابا وياماما
هكون سعيد وفرحان
وده منايا من قلبى
وكلامى من قلبى الصغير
اللى بيكم ولهان
إسمع كلامى يابابا
وإنتى ياماما
دا أنا لحبكم وعطفكم محتاج
عايز مابينكم أعيش
وحياتى منغيركم
أبدآ ماتساويش
بقلم
أختكم فى الله
ويارب تكون كلماتى دى بلسم شفا ودوا وترجع الحياة جميلة وردية ياااااااااااااارب
ملحوظة
مش عارفة هل كان من حقى أكتب الكلمات دى؟
أعتذر لكم إذا كنت كتبتها بدون إستذان
لكن صدقونى عشت القصة واللحظة بجد
وعايزة أعرف ردكم
والسلام ختام
ليست هناك تعليقات:
إرسال تعليق